聞西

係喎，唔經唔覺c.Grotto已經成立咗一周年，恭喜，恭喜！

真係要多謝洞主俾咗呢個咁好嘅渠道我地呢班口水友，發友偉論兼打情駡俏。2006真係多姿多采嘅一年。生活姿采就唔駛多講啦，回看大家嘅日記便可感受一二。

趁住聖誕及c.Grotto一周歲嘅大喜日子，藉此送上小小心意給洞主同哥哥。(我中文程度有限，請莫見笑.....)

「Blogger 兩兜友,齊齊揾女溝。
沙田觀塘盡遊遍,各有斬獲大豐收！」

呢期嘅 Final Fantasy 特别多「林審」任務，剛剛打完「圓桌武士」，而家可能會繼續去打 Rare Monsters 啦。

講起「圓桌武士」，真係要多謝老公俾我佢由地獄磨練得黎嘅經驗。事關「圓桌武士」有幾款絕招：Level 2 Sleep, Level 3 Disable 同 Level 4 Break. 即係如果 Level 嘅数字可以俾2,3, 或4除得盡嘅話，就會中招。

可憐老公去打嘅時候，所有characters都係Level 57,一出去就中晒Disable，最慘痛嘅一招。眼見佢嘅苦況，我就决心苦練到Level 59先去對付「圓桌武士」，當然完全避晒啦。真係天堂同地獄嘅分别！

所以話，数學真係一門重要科目。要打機容易，都離唔開計数！

同老公各自奮戰中，再談。