發達大計

記得很久前有一次同班好友聚會(大多数嘅Blog友都在場)，問起太家有冇啲新穎嘅揾錢概念，希望可以大展拳脚一番。其中一位就提出:「USB 啦。而家乜野都用USB,如果可以揾到一樣個個都用嘅家庭電器都用USB,咁就發達啦。」

當中最有急才嘅「炒飯」就話啦:「而家已經有USB Cup Warmer 啦，咁不如我地整部USB燒雞機吖？等我地平時一路做野,就一路燒雞。放工嘅時候，晚餐就已經搞掂啦，幾有焯頭？」
老公即時就接話啦:「好主意呀。仲要做埋電視廣告,好似Ronco Rotisserie Oven 話齋, "Set it and Forget it......」(請參考以下廣告。)「既方便，又易用，一定有銷路呀！」

燒雞機

但係話咁快，我地呢啲「新概念」已經俾人㨗足先登。我同老公今日竟然見到「USB 烤肉機」(雖然USB Connections 好似多咗啲)。原來USB家庭電器,真係有得做。

都話啦，我地班口水王,淨係講，唔做。點發達先得？