聞西

近來好多時都聽到呢個名詞，原來係比較負面嘅一個稱呼。可能住响美國嘅原因，所以比較後知後覺，係近來得到一位好友指點，先至開始睇有關嘅資料。

開始時覺得好好笑，覺得啲人寫得好誇張。有冇咁離譜呀？但係同一啲朋友傾開，原來好多(男居多)朋友都唔多唔少受過港女氣。而我自己身邊都有一兩個類似港女嘅朋友，當然就唔係好過份嗰隻啦。我唔係响呢度同啲女仔平反，因為事實有啲小姐係好難服侍嘅。只係覺得大家相處最緊要講真誠，唔鍾意咪攞出嚟講囉。大家都係成年人，乜都可以商量嘅。